بُـكره

بُـكره هابتدى أركّـز و التزم فى حياتى
بُـكره هاسيب خطيتى و انتظم فى صلاتى
و من بُـكره مش هاسمع كلام تانى للشيطان
و مش هارجع فى كلامى و لا أهمل اعترافاتى
*****
بُـكره هايبقى يوم غير كل الأيام
هايكون بداية جديدة لحياة الالتزام
و هابقى انسان جديد و انسى كل اللى فات
و هاعيش فى الأبدية و احقق الأحلام
*****
بس سيبونى لبُـكره أخلَّص الخطيه
و لما ييجى بُـكره هابدأ حياه نقيه
أعيش بس النهارده و استمتع بيه لآخره
و وعد منى إنّى بُـكره ابدأ توبه حقيقيه
*****
و يفوت بُـكره و بعدُه و يضيع عمر الشباب
و الموت ييجى فى لحظه و تيجى ساعة الحساب
طب ليه مابدأش دلوقتى , و اسيب حالاً الخطيه
قبل ماتيجى اللحظه و اسمع : أُغلق الباب
*****
ياللى عايش حياتك فى استهتار و تأجيل
ربّك هاييجى فى لحظه مثل سارق فى الليل
و مش هاتعرف تردّه , و لا حتى تقول له لأ
و ساعتها لا هايفيد ندم و لا بكاء و عويل